السبت، 17 سبتمبر، 2011

بەهۆی فەیسبووك سزا دران

بەهۆی فەیسبووك سزا دران

دادگای شاهانەی بەریتانیا دوو گەنجی تەمەن 22 ساڵانی بەتۆمەتی خراپ بەكارهێنانی تۆڕی كۆمەڵایەتی فەیس بووك بەسزای چوار ساڵ زیندانیكردن حوكمدا پاش  ئەوەی لە هەفتەی رابردوو لەسەروبەرندی ئاژاوەو پشێویەكانی ئەو وڵاتە لەلایەن پۆلیسەوە دەستگیركران.
ئەو دوو گەنجە دەستگیركراوە لەسەر تۆڕی ئینتەرنێت پەیجێكی فەیس بووكیان بۆ هاندانی كاری توندوتیژی و ئاژاوەگێڕی بەرێوەبردوە

حەوت سەگ خاوەنەكەیان دەخۆن

حەوت سەگ خاوەنەكەیان دەخۆن


پیاوێكی ئەندەلوسی تەمەن 50 ساڵ، دوای ئەوەی بۆ ماوەی دو هەفتە ماڵەكەی بەجێدێڵێت‌و لەو ماوەیەشدا حەوت سەگەكەی بێ‌ ئاو‌و خواردن دەبن, بۆیە لەكاتی گەڕانەوەیدا لەلایەن سەگە برسیەكانیەوە پەلامار دەدرێت‌و بەشێكی لاشەكەی دەخۆن و كەللەسەریشی لێدەكەنەوە.
 پۆلیسی ئەو وڵاتەیش هۆكارەكەی تەنیا بۆ برسێتیی سەگەكان دەگەڕێنێـتەوە‌و ئاشكرایدەكات هۆكاری پەلاماردانی ئەو پیاوە تەنها پرسێتی سەگەكانی بوە‌و دورە لەئەگەرێكی ترەوە، چونكە ئەو سەكانە بۆ ماوەی دو هەفتە هیچ شتێكیان پێنەدراوە.

سێ هاوڵاتیی سویدی موسڵمان بوون

سێ هاوڵاتیی سویدی موسڵمان بوون



 
دوای تەواوبونی وتاری بانگخوازی كورد مامۆستا ئەحمەد موفتی لەمزگەوتی گەورەی شاری یۆتۆبۆری لەسوید، پیاوێكی  تەمەن 52 ساڵ بەناوی  لاش ئەندروسۆن و دایكی و كچێكی سویدی بە ناوی ئانیت ئەورین تەمەن 46 ساڵ و  ویندی ئەورین تەمەن 26 ساڵ موسڵمانبوونی خۆیان راگەیاند.
بەپێی راپۆرتە ئیسلامیەكان ساڵانە ژمارەیەكی بەرچاو لەهاوڵاتیانی جیهان موسڵمان دەبن‌و ئامادەن ئەركە ئاینیەكانی ئیسلام پەیڕەو بكەن‌و بەزۆری ئەو هاوڵاتیانەش لەوڵاتانی ئەورپا‌و ئەمریكان.

السبت، 13 أغسطس، 2011

بوتڵە پلاستیكیەكان دەبێتە هۆی نەخۆشیی شێر پەنجە

بوتڵە پلاستیكیەكان دەبێتە هۆی نەخۆشیی شێر پەنجە



توێژینەوەیەكی رێكخراوی یونیسێف ئاماژە بەمەترسیی ئەو بوتڵانە دەكات كە ئاو و شلەمەنی تێدەكرێت، بەوەی مادەی سەرەكیی دروستكردنی ئەو بوتڵە پلاستیكیانە لەمادە پترۆڵیەكانەو، كاتێكیش ئەو بوتڵە پلاستیكیانە دەخرێنە بەر پلەی گەرمی بەرز یاخود گەرمای خۆر، راستەوخۆ مادە كیمیاویەكانی و پێكهاتە پترۆڵیەكانی كە لێی دروستكراوە، دەتوێنەوەو، ئەمەش كاریگەریی هەیە بۆ دوچاربون بەنەخۆشیی شێرپەنجە.

ئوردنییەكان شوو بە فەلەستینی دەكەن

ئوردنییەكان شوو بە فەلەستینی دەكەن



بەپێی ئامارێك كە دادگای باڵای ئوردن بڵاویكردۆتەوە، لە ساڵی 2010 دا، 2082 حاڵەتی شوكردنی ئافرەتانی ئوردنی بە پیاوانی وڵاتانی تری عەرەبی تۆمار كراون.
بەپێی ئامارەكە شوكردنی ئافرەتانی ئوردنی بەپیاوانی فەلەستینی بەپلەی یەكەم دێت، كە 1467 گرێبەستە، دوای ئەویش میسریەكان بە پلەی دووەم و عێراقیەكان بەپلەی سێیەم دێن.

موسڵمانان لەكۆشكی سپی رۆژویان شكاند

موسڵمانان لەكۆشكی سپی رۆژویان شكاند



وەك نەریتی ساڵانە لەمانگی رەمەزاندا كۆشكی سپی ئەمریكا ئێوارەخوانێكی رۆژو شكاندنی بۆ موسڵمانانی ئەو وڵاتە رێكخست و لەئاهەنگەكەدا كە ئۆباما سەرۆكی  ویلایەتە یەكگرتوەكانی ئەمریكا ئامادەی بوو، لەوتەیەكیدا پیرۆزبایی مانگی رەمەزانی لەموسڵمان كردو رایگەیاند، ئەمریكا هەرگیز هەوڵ و ماندوبونی موسڵمانانی ئەمریكا لەپارێزگاریكردن لەكۆمەڵگەی ئەمریكی لەیادناكات.

دوای ئاهەنگی گواستنەوە دەركەوت پیاو نییە

دوای ئاهەنگی گواستنەوە دەركەوت پیاو نییە



دوای ئەوەی ئافرەتێكی هیندی تەمەن 26 ساڵ شویكرد بەپیاوێك، كە ماوەیەكی زۆر هەوڵیدا تا شوی پێبكات. بەڵام دوای ئاهەنگی گواستنەوە دەركەوت كە مێردەكەی ژنەو تەنیا لەبەر وەرگرتنی شیربایی خۆی كردوە بەپیاو.
ئافرەتەكە دەڵێت "ماوەیەكی زۆر بەبیانوی دیندارییەوە خۆی لێم دەدزییەوە، بەڵام دواجار ئاشكرامكرد كە مێردەكەم پیاو نییە".

مرۆڤ هەستی بەوەفاداریی سەگ كردوە

مرۆڤ هەستی بەوەفاداریی سەگ كردوە



دوای ئەوەی كۆمەڵێك زانای شوێنەوارناس و پسپۆری زیندەوەرزانی، لەئەشكەوتێكی شاخەكانی ئەڵتای لەسیبیریا، ئێسكی جۆرە سەگێكیان دۆزییەوە كە مێژوەكەی دەگەڕێتەوە بۆ 33 هەزار ساڵ پێش ئێستا.
لێكۆڵینەوەكان ئەوە دەردەخەن كە مرۆڤ هەر لەكۆنەوە هەستی بە وەفاداریی ئەو ئاژەڵە كردوەو ماڵیی كردوە.

خوێندكارانی بریتانیا گورچیلەیان دەفرۆشن

خوێندكارانی بریتانیا گورچیلەیان دەفرۆشن



لەگەڵ بەرزبونەوەی كرێی خوێندن لەناوەندە باڵاكانی خوێندن لەبریتانیا, كە هۆكارێكی گرنگی خۆپیشاندانەكانی ئەمدواییە بوو، ساڵانە ژمارەیەكی زۆری خوێندكاران ناچاردەبن كە گورچیلەی خۆیان بفرۆشن بۆ ئەوەی كرێی خوێندن دابینبكەن.  لەساڵی 2004ەوە حكومەتی بریتانیا بڕیاری قەدەغەكردنی فرۆشتنی ئەندامەكانی لەشی داوە بەتایبەتی گورچیلە، بەڵام لەئێستادا زۆرترین فرۆشیارو كڕیاری لەو وڵاتەدا هەیە.

ئوتێلی تەڵاق

ئوتێلی تەڵاق



لەئەوروپا ژن و مێردێك ئەگەر بیانەوێت جیاببنەوە ماوەیەكی زۆری پێدەچێت تا مامەڵەكەیان كۆتاییدێت، بەڵام هاوڵاتیەك لە هۆڵندا، ئوتێلێكی دروستكردوە بە ناوی "ئوتێلی تەڵاق" كە بەشێوەیەكی یاسایی و خێرا مامەڵەی جیابونەوەی خێزانەكان ئەنجام دەدات.
هەروەها لەناو ئۆتێلەكەدا هەموو رێوشوێنەكانی جیابوونەوەو پێكهاتنەوەی هاوسەرەكانی بەشێوەیەكی ئاسان تێدا مسۆگەر كراوە.


الأربعاء، 10 أغسطس، 2011

ئــــــه‌و ئه‌مریكییه‌ی به‌جلی كوردی سه‌رســامه‌

 ئــــــه‌و ئه‌مریكییه‌ی به‌جلی كوردی سه‌رســامه‌

ئــــــه‌و ئه‌مریكییه‌ی به‌جلی كوردی سه‌رســامه‌

  ئه‌نیتا كچێكی ته‌مه‌ن (17) ساڵه‌ی به‌ره‌گه‌ز ئه‌مریكییه‌، له‌گه‌ڵ گروپه‌كه‌ی له‌ لۆس ئه‌نجلۆس-ه‌وه‌ به‌مه‌به‌ستی به‌شداریكردن له‌فێستیڤاڵی نێو ده‌ڵه‌تی زاگریب هاتبوونه‌ كرواتیا، له‌كاتێكدا كه‌ بۆ وێنه‌گرتن و یه‌كتر ناسین هاته‌ لای ئه‌ندامانی گرووپی میوزیكی نالی‌و تیپی هونه‌ره‌میللییه‌كانی سلێمانی، كه‌ ئه‌مانیش بۆ هه‌مان مه‌به‌ست له‌زاگریب بوون، ئاوێزه‌ لێی پرسی، چی وایلێكردی كه‌ بێیته‌ لای گروپی كوردی؟ ئه‌نیتا وه‌ڵامیدایه‌وه‌و وتی: دوێنێ له‌كاتی نمایشه‌كه‌دا هه‌ڵپه‌ڕكێی و میوزیكه‌كه‌ی ئێوه‌ مه‌به‌ستم كورده‌كانه‌ زۆر سه‌رنجی راكێشام، ئه‌مڕۆش سه‌یری جلوبه‌رگه‌كه‌تانم كرد زۆر كاری لێكردم، بۆیه‌ به‌هاوڕێكانم وت بابچینه‌ لای ئه‌و گروپه‌.
ئه‌نیتا پێشتر ناوی كوردستانی نه‌بیستبوو، به‌ڵام كاتێك كه‌ باسی كوردستانمان بۆ كرد، ئه‌و وتی: حه‌ز ده‌كه‌م ساڵی داهاتوو كاتی پشووی هاوینه‌م له‌وێ به‌سه‌ر به‌رم و له‌گه‌ڵ گروپه‌كه‌م بێم خه‌ڵكی كوردستان به‌سه‌ماو میوزیكی خۆمان ئاشنا بكه‌م.
وتیشی: هیوادارم بتوانم زمانه‌كه‌ی ئێوه‌ فێر ببم و بتوانم قسه‌ی پێبكه‌م، بۆ ئه‌وه‌ی له‌وێ پێویستیم به‌كه‌س نه‌بێت هاوكاریم بكات له‌وه‌ی كه‌ چوومه‌ بازاڕ بتوانم به‌كوردی قسه‌ بكه‌م و خۆم بتوانم جلی كوردی بۆ خۆم بكڕم.
ئه‌نیتا باسی ئه‌وه‌شی كرد كه‌ تائێستا جله‌ فۆلكلۆرییه‌كانی خۆیانی پێ له‌جلی هه‌موو نه‌ته‌وه‌كانی دیكه‌ پێ جوانتر بووه‌، به‌ڵام له‌ماوه‌ی ئه‌م دوو رۆژه‌ی كه‌ جلی كوردی بینیوه‌، زۆر سه‌رسام بووه‌.

دوای كوشتنی دایك‌و باوكی؛ ئاهه‌نگ ده‌گێرێت

 دوای كوشتنی دایك‌و باوكی؛ ئاهه‌نگ ده‌گێرێت

دوای كوشتنی دایك‌و باوكی؛ ئاهه‌نگ ده‌گێرێت



گه‌نجێكی ئه‌مریكی پاش ئه‌وه‌ی دایكی‌و باوكی خۆی به‌چه‌قۆ ده‌كوژێت، زیاتر له‌60هاوڕێی خۆی بانگهێشتده‌كات‌و ئاهه‌نگ ده‌گێرێت. تیله‌ر هادلی ته‌مه‌ن 17ساڵ‌و دانیشتووی ویلایه‌تی فلۆریدای ئه‌مریكا، پاشئه‌وه‌ی به‌چه‌قۆ هه‌ڵده‌كوتێته‌ سه‌ر دایك‌و باوكی ئه‌وان ده‌كوژێت، له‌ماڵه‌كه‌ی خۆیاندا ته‌رمه‌كه‌یان ده‌شارێته‌وه‌و داوتریش زیاتر له‌60هاوڕێ‌و براده‌ری خۆی بانگهێشتده‌كات‌و ئاهه‌نگێكی به‌رفراوان ساز ده‌كات، به‌شێوه‌یه‌ك كه‌ به‌هۆی ئه‌و ده‌نگه‌ده‌نگ‌و شایی‌و به‌زمه‌وه‌، ده‌بنه‌ مایه‌ی ئه‌وه‌ی كه‌ دراوسێكانی بێزار بكات‌و دراوسێكانیشی پۆلیس ئاگادار ده‌كه‌نه‌وه‌. كاتێكیش دوای ئه‌وه‌ی پۆلیس ماڵه‌كه‌ ده‌پشكنێت ته‌رمی ژن‌و پیاوێك ده‌دۆزنه‌وه‌. پاشان به‌بڕیاری دادوه‌ر ئه‌و گه‌نجه‌ ده‌ستگیر ده‌كرێت‌و هێشتا هۆكاره‌كانی ئه‌و تاوانه‌ ڕووننه‌بۆته‌وه‌.
 

الأحد، 7 أغسطس، 2011

مەترسییەکانی سڕینەوەی کارتی مۆبایل بە پەنجە

 مەترسییەکانی سڕینەوەی کارتی مۆبایل بە پەنجە

مەترسییەکانی سڕینەوەی کارتی مۆبایل بە پەنجە


لێکۆڵینەوەیەکی پزیشکی ئەمریکی دەری خستووە کەوا جۆرە شێرپەنجەیەکی نوێیان دۆزیوەتەوە کە لە کاتى بە کارهێنانى پەنجەى دەست بۆ سرینەوەى سیمی رەساسی سەر کارتی مۆبایل و ئینتەرنێت و جۆرەکانی تر دروست دەبێت، ئەمەش بەهۆی بوونی مادەی نیترۆ ئۆکسیدی سیلڤەر تیایدا..بۆیە تکایە لەکاتی سرینەوەی سیمی سەر کارتەکان پەنجە بەهیچ شێوەیەک بەکار مەهێنن و هەوڵبدەن بە شتێکی تر بیسرنەوە

ئه‌وه‌ی مۆبایل به‌م كۆمه‌ڵگه‌یه‌ی كرد به‌س نه‌بوو، فه‌یسبووك‌و چات-یشی هاته‌سه‌ر..!

 ئه‌وه‌ی مۆبایل به‌م كۆمه‌ڵگه‌یه‌ی كرد به‌س نه‌بوو، فه‌یسبووك‌و چات-یشی هاته‌سه‌ر..!

ئه‌وه‌ی مۆبایل به‌م كۆمه‌ڵگه‌یه‌ی كرد به‌س نه‌بوو، فه‌یسبووك‌و چات-یشی هاته‌سه‌ر..!

  دوای مۆبـــایـل؛ به‌زمـــه‌كانی فـــه‌یســـبووكیش
هـاته‌ سه‌ربــار
كۆی ئه‌و به‌شداربووانه‌ی له‌م راپۆرته‌دا به‌شداریان كردووه‌، سه‌رجه‌میان هاوڕان له‌گه‌ڵ ئه‌وه‌ی راسته‌ ده‌ردو ئازاره‌كانی مۆبایل زۆرن، به‌ڵام به‌مدواییانه‌ به‌زمه‌كانی فه‌یسبووك‌و چاتیشی هاتۆته‌ سه‌رو چه‌ندانی گرفتار كردووه‌.
كاوه‌؛ راسته‌وخۆ قسه‌كانی ئاراسته‌ی هه‌مووان كردو وتی ناشێ‌ ئێمه‌ به‌و چه‌شنه‌ له‌ته‌كنه‌لۆجیا بڕوانین‌و پێمانوابێت ئه‌مه‌ حاڵه‌تێكی ئاساییه‌، چونكه‌ هیچ كاتێك كه‌سێك بۆی نییه‌ به‌رامبه‌ره‌كه‌ی به‌وشێوه‌یه‌ بشكێنێت.
كاوه‌ بڕوای وابوو ئه‌مانه‌ په‌تای ته‌كنه‌لۆجیاو به‌هه‌ڵه‌ به‌كارهێنانێتی، كه‌وایكردووه‌، ئه‌مجۆره‌ كه‌سانه‌ وه‌ك ئه‌وه‌ی مرۆڤی سادی بن‌و چێژ له‌ئازاری خۆیان‌و كه‌سانی تر ببینن بۆیه‌ كاری له‌وشێوه‌یه‌ ده‌كه‌ن.
ئه‌و وتیشی: ئێمه‌ چاو له‌ئه‌وروپا ده‌كه‌ین، به‌ڵام بی ئاگاین له‌وه‌ی له‌ ئه‌وروپا شتی وانییه‌‌و هه‌موو ئینسانێك سه‌ربه‌سته‌ چی پێخۆشه‌و ئاره‌زووی چیده‌كات ئه‌وه‌ ده‌كات، نه‌ك چێژ له‌شكاندنی به‌رامبه‌ره‌كانیان ببینن.
كوڕم‌و ده‌ترسم
حه‌مه‌؛ ئه‌و خۆی وتی ناوم وا بنوسه‌‌و وتیشی: من كه‌ كوڕم بۆخۆم له‌و جۆره‌ حاڵه‌تانه‌ زۆر ده‌ترسم، چونكه‌ ئه‌م كۆمه‌ڵگه‌یه‌، هه‌تا ئێستا كۆمه‌ڵگه‌یه‌كی داخراوه‌و ئینسانه‌كانی نه‌یاتوانیوه‌ سه‌ربه‌ست بن‌و وه‌ك ئه‌وروپا خه‌میان نه‌بێت‌و بێباك بن، چونكه‌ هێشتا لێره‌ سستمی خێزان باڵاده‌سته‌و تاك ئه‌و سه‌ربه‌ستییه‌ی نییه‌و ئه‌مه‌ش واده‌كات، بچوكترین كێشه‌ ببێته‌ هۆی گه‌وره‌ترین كێشه‌ بۆ خێزانێك‌و هه‌ڵوه‌شاندنه‌وه‌ی.
بێ‌ باكم چی رووده‌دات
من دوو په‌یجم هه‌یه‌، یه‌كێكیان گشتییه‌و ئه‌وه‌ی ترم تایبه‌ته‌، هیچكامێكیشان به‌ناوی راسته‌قینه‌ی خۆمه‌وه‌ نییه‌، بۆیه‌ بێباكم له‌وه‌ی هاكده‌كرێم یان نا.. ئارام به‌وشێوه‌یه‌ شه‌رحی حاڵی كردو ئاماژه‌ی به‌وه‌شدا كه‌: ئێمه‌ گروپمان هه‌یه‌و پێكه‌وه‌ چات ده‌كه‌ین‌و قسه‌ ده‌كه‌ین، ئه‌وه‌ی به‌دڵمان بێت ئه‌ددی ده‌كه‌ین‌و په‌یوه‌ندی‌و دۆستایه‌تییه‌كی زۆریشم هه‌یه‌.
ده‌كوژرێم
هه‌نار؛ خانمێكی گه‌نجه‌و په‌یجی تایبه‌تی خۆیه‌، به‌ڵام وه‌ك خۆی وتی به‌ناوی خۆیه‌وه‌ نییه‌و ته‌نیا كه‌سه‌ نزیكه‌كانی ده‌زانن كه‌ ئه‌وه‌ ئه‌وه‌.
ئه‌و خانمه‌ ئاماژه‌ی به‌وه‌دا كه‌ هیچ وێنه‌یه‌كی راسته‌قینه‌ی خۆی دانه‌ناوه‌و هه‌میش وێنه‌ی پرۆفیله‌كه‌شی ده‌گۆڕێت به‌وێنه‌ی ئه‌و كچانه‌ی له‌گوگڵا ده‌یاندۆزێته‌وه‌و كێی پێ‌ جوان بوو ئه‌و داده‌نێت. هه‌نار وتیشی: به‌هۆی وێنه‌ سه‌رنجڕاكێشه‌كانمه‌وه‌ چه‌ندین كوڕ داوای په‌یوه‌ندی‌و خۆشه‌ویستیان لێكردووم‌و منیش به‌ئاره‌زووی خۆم وه‌ڵامیان ده‌ده‌مه‌وه‌.
هه‌نار له‌وه‌ڵامی ئه‌وپرسیاره‌ی ئایا ئه‌مه‌ به‌ڕاست ده‌زانێت وتی: ئاخر ناتوانم وانه‌كه‌م، چونكه‌ وێنه‌یه‌كی خۆم‌و دواتر بڵاوبوونه‌وه‌ی به‌شێوه‌یه‌كی نه‌شیاو به‌سه‌ بۆ ئه‌وه‌ی بكوژرێم. من چۆن له‌كوڕان ده‌ترسم ئاواش له‌كچان، چونكه‌ ره‌نگه‌ كچێك كارێكم له‌دژ بكات.
خۆی‌و مێرده‌كه‌ی
شه‌وبۆ؛ كه‌ له‌سییه‌كانی ته‌مه‌نیدایه‌، ئه‌و باسی له‌وه‌كرد ئه‌گه‌رچی شوویكردووه‌، به‌ڵام ده‌چێته‌ فه‌یسبووك‌و وێنه‌ی خۆی ‌و مێرده‌كه‌شی داناوه‌، به‌ڵام ته‌نیا ئه‌وكه‌سانه‌ ده‌كاته‌ هاوڕێ‌ كه‌ده‌یانناسێ‌، وتیشی: بێگومان ترسم هه‌یه‌، چونكه‌ له‌گه‌ڵا رێزمدا هه‌ندێك له‌خه‌ڵكی ئه‌م وڵاته‌ جا زۆرن یا كه‌م له‌هه‌ركاتێكدا ئه‌وه‌ی بیانه‌وێت ئه‌وه‌ت به‌رامبه‌ر ده‌كه‌ن‌و دنیات لێده‌كه‌ن به‌دۆزه‌خ!
له‌وه‌ڵامی پرسیارێكیشدا كه‌ ئایا ئه‌م حاڵه‌تانه‌ بۆ رووده‌ده‌ن؟ ئه‌و هۆكاره‌كه‌ی بۆچی ده‌گه‌ڕێنێته‌وه‌، وتی: ئه‌مه‌ زۆر پێكه‌نیناوییه‌! چۆن بۆ رووده‌دات، ئه‌زانی ئه‌وانه‌ی وا ده‌كه‌ن ئه‌مه‌ به‌ئازایه‌تی ده‌زانن، هاكت ده‌كه‌ن، وێنه‌ت بڵاوده‌كه‌نه‌وه‌، به‌ناوی تۆوه‌ شتی زۆر تایبه‌تی ده‌نوسن‌و ئاماده‌شن به‌فۆتۆ شۆپ وێنه‌كه‌ت بگۆڕن.. من ده‌پرسم ئایا ئه‌مه‌ نه‌خۆشییه‌؟ ئازایه‌تییه‌؟ چییه‌؟
ناتخه‌مه‌ پاقله‌كه‌وه‌
هه‌ر كه‌زانی مه‌سه‌له‌ فه‌یسبووك‌و كێشه‌كانێتی، وه‌ك هاوڕێكه‌ی وتی: مامه‌ كارزان هه‌زارو دوو به‌زمی هه‌یه‌..
ئه‌و قسه‌یه‌ بووه‌ پێكه‌نین‌و كارزان-یش وتی: به‌ڕاست وایه‌ بۆ پێده‌كه‌نن، ئاوڕی دایه‌وه‌و به‌هاوڕێكه‌ی وت هه‌ر تۆ نه‌بوویت ته‌نیا بۆ كردنه‌وه‌ی كامێراكه‌م كارتێكی 10 دۆلاریم پێكڕیت..!
ئه‌و هاته‌ سه‌ر به‌زمه‌كانی‌و ئه‌وه‌ی گێڕایه‌وه‌ كه‌ سه‌ره‌تا به‌زمه‌كانی به‌هاوڕێ‌‌و كه‌سه‌ نزیكه‌كانی خۆی كردووه‌، خۆی له‌كوڕی مامێكی كردووه‌ به‌كچ‌و ده‌یان نامه‌ی غرامی‌و وه‌ك خۆی وتی ئه‌و شته‌ قۆرانه‌ی بۆ نووسیبووم‌و منیش كه‌ده‌مبینی پێده‌كه‌نیم‌و ئامۆزاكه‌شم ده‌یوت (هه‌تیو چ كه‌تنێكت كردووه‌ كه‌ده‌مبینی وا پێده‌كه‌نی).
كارزان چووه‌وه‌ سه‌ر به‌زمی ئامۆزاكه‌ی وتی گه‌رچی دواجار به‌ده‌عوه‌تێك پێموت چ به‌زمێكه‌و خۆم لێ‌ ئاشكرا كرد، به‌ڵام هه‌ستمكرد به‌راستی ئازاری پێگه‌یشتووه‌، چونكه‌ ئه‌و ئامۆزایه‌م بۆ یه‌كمجار بووه‌ خۆشویستی بكات، ئه‌ویش كه‌ من بووم.. شتی وای بۆ ده‌نووسیم به‌ڕاستی ئه‌گه‌ر كچ بوومایه‌ خۆشمده‌ویست..
كارزان هه‌رپێده‌كه‌نی‌و ده‌یوت: به‌ڵێ‌ له‌گه‌ڵا هاوڕێكانمدا گرته‌ی مۆبایل‌و وێنه‌ی سێكسی-ش ده‌گۆڕینه‌وه‌و ئه‌مه‌ بووه‌ به‌خووی رۆژانه‌ی به‌شێكی دیار له‌ژیانی گه‌نجان.
ئه‌و؛ هه‌ر ئه‌مه‌نده‌ی به‌پێوستزانی‌و وتی: بۆ ناوی په‌یجه‌كه‌ی خۆتم ناده‌یتێ‌، بزانم ناتخه‌مه‌ پاقله‌كه‌وه‌..
منیش دووانم هه‌یه‌
ئه‌و ئه‌گه‌رچی ژنێكی به‌ته‌مه‌نه‌و له‌ ئه‌وروپا ده‌ژی، به‌ڵام باسی له‌وه‌كرد ئه‌و ترس‌و گومان‌و بێ‌ سیقه‌ییه‌ی لێره‌ هه‌یه‌، له‌هیچ وڵاتێكی ئه‌وروپا نه‌مدیووه‌.
ئه‌و به‌ڵگه‌ی بۆ قسه‌كانی هێنایه‌وه‌و وتی: مه‌عقوله‌ من خوشكه‌كه‌م له‌كوردستان ده‌ژی‌و ناوێرێ‌ په‌یجه‌كه‌ی به‌ناوی خۆیه‌وه‌ بێت‌و وێنه‌ی خۆی له‌سه‌ر دابنێت.! به‌ڵام له‌ئه‌وروپا وانییه‌. ئه‌و باسی له‌وه‌كرد راسته‌ له‌وێ‌ هاككردن زۆره‌و خه‌ڵكی شاره‌زاترن، به‌ڵام خه‌ڵكی ئه‌وێ‌ په‌یجی من یا كه‌سێكی تری بۆچییه‌ هاكی بكات، بۆ بازرگان، موخابه‌راتم چیم..؟! ئه‌و خانمه‌ به‌ته‌مه‌نه‌ كه‌ خۆی به‌ تریفه‌ ناساند، قسه‌شی له‌سه‌ر ئه‌وه‌بوو وتی: من دوو په‌یجم هه‌یه‌، ئه‌وه‌ی له‌گه‌ڵا كوردستان كاری پێده‌كه‌م‌و به‌هۆی ئه‌و ترسه‌ی لێره‌ هه‌یه‌، به‌ناوی خۆمه‌وه‌ نییه‌، به‌ڵام تریان به‌ناوی خۆمه‌وه‌یه‌و ته‌نیا بۆ قسه‌كردن له‌گه‌ڵا ئه‌و هاوڕێیانه‌ به‌كاری دێنم كه‌ ئه‌وروپین‌و هیچ جۆره‌ ترسێكم وه‌ك ئێره‌ لێیان نییه‌.
به‌خوا ناوێرم
دواجار به‌رهه‌م وه‌ك گه‌نجێكی تازه‌ پێگه‌یشتوو، كه‌ خوێندكاره‌، وتی: به‌ڕاستی‌و ئه‌گه‌ر بێ‌ شه‌رم قسه‌ بكه‌م، وه‌ڵا ئه‌وه‌ی ئێمه‌ به‌فه‌یسبووكی ده‌كه‌ین، گه‌نجی هیچ جێگه‌یه‌كی تر ئه‌وه‌ ناكه‌ن، وتی: من یه‌كێك له‌هاوڕێ‌ كچه‌كانم له‌لایه‌ن هاوڕێیه‌كییه‌وه‌ به‌كارهاتبوو، چونكه‌ پاسۆرده‌كه‌ی ئاشكرا كردبوو له‌لای، ئه‌ویش ئه‌وه‌ی پێیخۆشه‌و بۆ شكاندنی هاوڕێكه‌ی كردبووی. به‌رهه‌م وتیشی: ته‌نانه‌ت قسه‌ی وای بۆ من نوسیبوو شه‌رمم ده‌كرد سه‌ره‌تا، تا دوایی كه‌بینیم پێموت (ئه‌وه‌ پێم راده‌بوێری وا باسی خۆت ده‌كه‌یت) به‌ڵام ئه‌و كچه‌ كه‌وته‌ گریان وتی فڵان هاوڕێمانه‌ ئه‌و كاره‌ی كردووه‌و خه‌ریكه‌ حه‌یام ده‌بات. بۆیه‌ من ئێستا له‌فه‌یسبووك كچه‌كانیش وه‌ك كوڕ ده‌بینم‌و هه‌ر به‌زمانی كوڕ قسه‌ له‌گه‌ڵا كچ ده‌كه‌م. به‌خوا ناوێرم.
سه‌رنجێكی پێویست (كۆی ناوه‌كانی به‌شداربووان خوازراون)

بۆ یه‌كــه‌مجار ژنێك ئه‌و كـــاره‌ ده‌كات

 بۆ یه‌كــه‌مجار ژنێك ئه‌و كـــاره‌ ده‌كات

بۆ یه‌كــه‌مجار ژنێك ئه‌و كـــاره‌ ده‌كات


بۆ یه‌كه‌مجار له‌مێژووی پاكستاندا ژنێك ده‌بێت به‌وه‌زیری ده‌ره‌وه‌ی ئه‌و وڵاته‌.
به‌پێی هه‌واڵی ئاژانسی رۆیته‌رز حه‌نا ڕه‌بانی خار-ی ته‌مه‌ن 34ساڵان كرا به‌وه‌زیری ده‌ره‌وه‌ی پاكستان‌و شوێنه‌كه‌ی شا مه‌حمود قوره‌یشی وه‌زیری پێشووی پاكستان ده‌گرێته‌وه‌ كه‌ له‌مانگی شوباتی رابردوو له‌پۆسته‌كه‌ی دوور خرایه‌وه‌.
حه‌نا ڕه‌بانی خار پێشتر بۆ ماوه‌ی 9مانگ بریكاری وه‌زاره‌تی ده‌ره‌وه‌ی پاكستان بووه‌‌و بڕیاره‌ له‌كۆتایی ئه‌م هه‌فته‌یه‌شدا حه‌نا-ی وه‌زیری نوێی پاكستان له‌گه‌ڵ وه‌زیرانی ده‌ره‌وه‌ی ئه‌مریكاو چین كۆببێته‌وه‌.
 

هه‌ڵه‌یه‌ک بدۆزه‌ره‌وه‌ و 500 دۆلار وه‌ربگره‌ !

هه‌ڵه‌یه‌ک بدۆزه‌ره‌وه‌ و 500 دۆلار وه‌ربگره‌ !

http://www.aweza.co/news_image/879461_facebook_logo_2.jpg پێگه ی کۆمه‌ڵایه‌ه‌تی فه‌یسبووک  پاداشتی ئه‌وبه‌ژداربووانه‌ ده‌کات که‌ کێشه‌ی ته‌کنیکی  فه‌یسبووک بدۆزنه‌وه‌ ،له‌گه‌ڵ دۆزینه‌وه‌ی هه‌ر هه‌ڵه‌یک له‌ پێگه‌ی کۆمه‌ڵایه‌تی فه‌یسبووک بڕی(500)دۆلار پاداشت وه‌رده‌گرێت.وه‌ هه‌روه‌ها ڕایانگه‌یاندووه‌ که‌ ئه‌گه‌ر  زانیاری زیاتریان له‌سه‌ر مه‌ترسی هاککردن و دزه‌کردن بۆ ناو پێگه‌ی فه‌یسبووک ئه‌وا پاداشته‌که‌ی زیاتر ده‌بێت ،وه به‌ڕێوه‌به‌رو سه‌رپرشتیارانی تۆڕی کۆمه‌ڵایه‌تی فه‌یسبووک ڕایانگه‌یاند که‌ ئه‌م هه‌نگاوه‌ له‌ پێناو پاراستنی به‌ژداربووانیه‌تی له‌ مه‌ترسی هاککردن.ئه‌م هه‌نگاوه‌ی فه‌یسبووک سود وه‌رگرتنه‌ بۆ دۆزینه‌وه‌ی ئه‌و کێشانه‌ی که‌ پێگه‌که‌ توشی ده‌بێت.

الأربعاء، 3 أغسطس، 2011

عێراقیە بێكارەكان خوێن دەفرۆشن

عێراقیە بێكارەكان خوێن دەفرۆشن



بازرگانیكردن بەخوێن لەدوای ساڵی 2003وە لەعێراقدا رووی لەزیادبوون كردوەو، زۆرێك لە گەنجە بێكارەكانیش بۆ پەیداكردنی بژێویی ژیانیان پەنا بۆ ئەو كارە دەبەن.
هاوكات دەڵاڵەكانی كڕین و فرۆشتنی خوێن لەنزیك نەخۆشخانەكاندا بەشوێن ئەو نەخۆشانەدا دەگەڕێن كە پێویستیان بە خوێنە، پاش مامەڵەكردن لەگەڵیاندا لەسەر نرخێك رێكدەكەون و نیوەی پارەكە دەدەنە خوێنفرۆشەكەو نیوەكەیتریش بۆ خۆیان هەڵدەگرن.

گەنجانی بریتانیا دەبنە چەقۆكێش

گەنجانی بریتانیا دەبنە چەقۆكێش



چەند رێكخراوێكی بریتانی هۆشداریاندایە حكومەت لەئاست بەرزبونەوەی رێژەی تاوانەكان لەمساڵدا، كە لەچاو ساڵانی رابردوودا بەڕێژەی 4% بەرزبونەتەوە,
هۆی ئەم بەرزبونەوەیەش دەگەڕێننەوە بۆئەوەی، حكومەت لەمساڵدا 100 ملیۆن یۆرۆی لەبودجەی تەرخانكراو بۆ گەنجان بڕیوەو زۆرێك لەو خوێندكارانەشی كە لەپشودان، لەسەرشەقامەكان بێكار دەسوڕێنەوەو روو لەچەقۆكێشان دەكەن، هەر بەو هۆیەشەوە لەم چەند مانگەدا زیاتر لە 15 هەرزەكار لەشەڕی سەر شەقامەكاندا كوژراون.

رێژەی خەمۆكی لەوڵاتە دەوڵەمەندەكاندا بەرزترە



بەگوێرەی تازەترین توێژینەوە، دەركەوتوە كە رێژەی خەمۆكی و پاڵەپەستۆی دەرونی لەوڵاتە دەوڵەمەندەكاندا زۆر بەرزترە لەچاو وڵاتە هەژارەكان و تازەپێشكەوتووەكان, چونكە لەئەمریكا رێژەكە دەگاتە 19%و لەفرەنسا21%، لەكاتێكدا لەوڵاتی ئەفریقای باشور رێژەكە 9%و لەمەكسیكیش 8%ە.
توێژینەوەكە كە لەناو 18 وڵاتدا ئەنجامدراوە، هۆكاری سەرەكیی خەمۆكی لەوڵاتە دەوڵەمەندەكاندا بۆ نایەكسانیی لەسەروەرت و ساماندا دەگەڕێنێتەوە.

السبت، 30 يوليو، 2011

لەتوێژینەوەیەكی زانستیدا، ئینتەرنێت پێش زاكیرە دەكەوێت

لەتوێژینەوەیەكی زانستیدا، ئینتەرنێت پێش زاكیرە دەكەوێت

لەتوێژینەوەیەكی زانستیدا كە كۆمەڵێك لە زانا‌و پسپۆڕ ئەنجامیاندا  بۆیان دەركەوت ئالوودەبوونمان بە ئینتەرنێتەوە گەیشتۆتە رادەیەك بۆتە تاكە سەرچاوەی زانیاریمان، لەلێكۆڵینەوەكەیاندا دەركەوت كە لەئێستادا ئینتەرنێت بۆتە تاكە دەروازەیەك كە بكرێتەوە بەڕووی پرسیارو نهێنییەكاندا.
http://www.aweza.co/news_image/739300_a5t3a2ecaaiotufcat3bx5scanf52g6ca5xlrldcaiy5nnvca9cyh0dcasym3c9cadj8l60capkf1pncaxd2zfoca5z1zywca0ifpzsca9oncuxcaynixazcanorf8kcah1rgj6cahp4uvlcaygklbucahkho5x.jpgلەلێدوانێكدا دكتۆر بیتسی سباروز مامۆستا لە زانكۆی كۆڵۆمبیا  وتی: لەرێی لێكۆڵینەوەكەیەوە لەسەر كۆمەڵێك خەڵك ویستوویەتی بیسەلمێنێت كە لەئێستادا ئینتەرنێت یادەوەرگەیەكی ئاڵ‌وگۆڕكاری  دەرەكییە بۆ مەعریفەو زانیاریمان.
بەشێوەیەك كە تاكەكانی كۆمەڵگە ئەوەی لایان جێی پرسیارەو دەیانەوێت بیزانن پەنا دەبەنەبەر ئینتەر نێت.

الجمعة، 29 يوليو، 2011

2000لـــیره‌ی دا


http://www.aweza.co/news_image/117880_2000--lera-da.jpg2000 لـــیره‌ی دا

25 ژنێكی تارانی پاشئه‌وه‌ی له‌به‌رده‌م دادوه‌ر ئاماده‌بوو رایگه‌یاند ئاماده‌یه‌ 2000هه‌زار لیره‌ی ئاڵتون بدات به‌هاوسه‌ره‌كه‌ی به‌مه‌رجێك ته‌ڵاقی بدات. ئه‌و ژنه‌ كه‌ نه‌ویست ناوی ئاشكرا بكرێت سه‌ردانی لقی 268ی دادگای خێزانی كردو له‌به‌رده‌م دادوه‌ردا وتی: من‌و هاوسه‌ره‌كه‌م هه‌ردووكمان خوێندكاری زانكۆ بووین پاش ئه‌وه‌ی یه‌كتریمان ناسی، هاوسه‌ره‌كه‌م هاته‌ داوام‌و منی له‌سه‌ر 2000هه‌زار لیره‌ی ئاڵتون ماره‌ كردو دواتر چووینه‌ ناو كه‌ژاوه‌ی ژیانی هاوسه‌رێتیه‌وه‌.
مێردی ژنه‌كه‌ش به‌دادوه‌ر وت: سه‌ره‌تا ژیانمان خۆشبوو به‌ڵام دواتر ورده‌ ورده‌ ژنه‌كه‌م له‌قسه‌م ده‌رده‌چوو و هیچ شتێكی به‌مه‌یلی من ئه‌نجام نه‌ده‌داو منی به‌ته‌واوی وه‌لاناو ناتوانم به‌مشێوه‌یه‌ درێژه‌ به‌ژیانی هاوسه‌ری بده‌م. ژنه‌كه‌ش له‌به‌رانبه‌ر قسه‌ی مێرده‌كه‌یدا وتی: من ژیانم لێ بۆته‌ دۆزه‌خ‌و ئاماده‌م به‌مه‌رجێك ته‌ڵاقم بدات ده‌ست له‌ماره‌یه‌كه‌م كه‌ 2000هه‌زار لیره‌ی ئاڵتونه‌ هه‌ڵبگرم.
دادوه‌ر پاش بیستنی قسه‌ی هه‌ر دوولا بڕیاری ته‌ڵاقی ده‌ركرد.

نرخی یه‌ک مه‌ترچوارگۆشه‌ زه‌وی له‌ شاری مه‌ککه‌ ده‌گاته‌(100000$)

نرخی یه‌ک مه‌ترچوارگۆشه‌ زه‌وی له‌ شاری مه‌ککه‌ ده‌گاته‌(100000$)


http://www.aweza.co/news_image/839932_maka-166.jpgشاری مه‌ککه‌ سه‌لماندی که‌ له‌ ڕووی فرۆشتنی زه‌وییه‌وه‌ شارێکی جیاوازه‌ ,شاره‌زایانی بواره‌ خانوw به‌ره‌ ده‌ڵێن نرخی یه‌ک مه‌تر چوارگۆشه‌ له‌ ناوچه‌ی بارزگانی له‌ مه‌ککه‌ ده‌گاته‌ (375000) ڕیاڵ که‌ ده‌کاته‌ (100000$) که‌ ئه‌مه‌ش وای لێ ده‌کات گرناگرتین شووێن بێت له‌سه‌ر ئاستی دنیا شایه‌نی باسه‌ ساڵانه‌ نزیکه‌ی( 2.5) حاجی سه‌ردانی مه‌ککه‌ ده‌که‌ن.

گۆگڵ ڕێز له‌ جه‌واهیری ده‌گرێت

گۆگڵ ڕێز له‌ جه‌واهیری ده‌گرێت

http://www.aweza.co/news_image/556988_7-27-2011_2-59-47_pm.jpg
له ساڵیادی ڕۆژی له‌ دایک بوونی شاعیری گه‌وره‌ی عێراقی(محه‌مه‌د مه‌هدی جه‌واهیری)کۆمپانیای گوگڵ وه‌کوو ڕێزگرتنێک لۆگی بڕاوسه‌ره‌که‌ی ده‌کاته‌ وێنه‌ی ئه‌م شاعیره‌ گه‌وره‌یه‌.
مه‌حه‌مه‌د جه‌واهیری یه‌کێکه‌ له‌  شاعیره‌ به‌ناوبانگه‌کان که‌ شیعروهۆنراوه‌ی زۆری بۆ گه‌لانی جیهان و ناوچه‌کانی عێراق داڕشتووه‌و نوسیوه‌،ئه‌م شاعیره‌ گه‌وره‌یه‌ که‌ شیعرێکی نوسیوه‌ بۆ کورد وه‌ دۆستێکی نزیکی کورد بووه‌.وه‌ له‌سه‌ر کڵاوه‌که‌شی نوسرابوو (یاکوردستان یان نه‌مان).

الخميس، 28 يوليو، 2011

لەسكی دایكیدا خوێنی تێكرا

لەسكی دایكیدا خوێنی تێكرا


ژنێكی تورك بەناوی نازان ئاغاچ كاكان، كە تەمەنی 26 ساڵە، لەماوەی پێنج مانگی سكپڕییەكەیدا دەركەوت بەهۆی بەهەڵە خوێن وەرگرتنێكی پێشووەوە، كچە كۆرپەكەی ناوسكی خوێنی تێدا نییەو ئەگەری نەمانی هەیە. بۆیە لەڕێگەی نەشتەرگەرییەوە لەماوەی سێ مانگدا حەوت جار خوێن كرایە كۆرپەكەوە، كە ئەمەش تەنیا 10% ئەگەری ژیانی پێدەبەخشییەوە، بەڵام دواجار كۆرپەكە بەتەندروستییەكی باشەوە لەدایكبو.

بریتانیا.. دایكان‌و باوكان لەڕێگەی فەیسبوكەوە چاودێریی منداڵەكانیان دەكەن

بریتانیا.. دایكان‌و باوكان لەڕێگەی فەیسبوكەوە چاودێریی منداڵەكانیان دەكەن


بەپێی ڕاپرسیەك كە كۆمپانیای وان پۆڵ ی بەریتانی ئەنجامیداوە، لە سەدا 50ی دایكان‌و باوكان لەڕێگەی سایتی كۆمەڵایەتی فەیس بوكەوە چاودێری جموجوڵەكانی منداڵەكانیان دەكەن.
بەپێی هەمان ڕاپرسی كە لەنێو دوو هەزار خێزاندا ئەنجامدراوە، لەسەدا 11ی بەشداربوان دەڵێن، تەنها لەبەرئەوە فەیس بوك بەكاردەهێنن چاودێری منداڵەكانیان بكەن، لە سەدا 13 ش دەڵێن بە فەیس بوكی هاوڕێكانیانەوە دەچنە ناو سایتەكەوەو ئەو كارە ئەنجامدەدەن، چونكە زۆربەی منداڵەكان ئامادەنین هاوڕێیەتی دایك‌و باوكیان لە فەیس بوكدا قبوڵبكەن.
ئەو كۆمپانیایە دەڵێت، گەیشتۆتە ئەو ڕاستیەی ئەو دایك‌و باوكانەی ناتوانن لەفەیس بوكەوە  چاودێری منداڵەكانیان بكەن، تەنها لەبەر ئەوەیە كە نازانن چۆن سایتەكە بەكاربهێنن، ئەگەر نا ئەوانیش هەمان كاریان ئەنجامدەدا.


خولێك بۆ بەدەستهێنانی مێردێكی دەوڵەمەند

خولێك بۆ بەدەستهێنانی مێردێكی دەوڵەمەند


لەسەنتەری پەروەردەی ئافرەتان، لەپەكینی پایتەختی چین، خولێكی تایبەت بۆ بەدەستهێنانی مێردی دەوڵەمەند كرایەوە. كە تێیدا ئافرەتان فێری تاكتیكەكانی بەدەستهێنانی مێردێكی دەوڵەمەند دەكرێن و نرخی بەشداربونی هەر ئافرەتێكیش سێ هەزارو 500 دۆلارە.
ئەم خولە لەكاتێكدایە، كە وڵاتی چین زیاتر لەملیۆنێك سەرمایەداری گەورەی تێدایە.

منداڵانی عێراق بۆ فرۆشتن

منداڵانی عێراق بۆ فرۆشتن


لێكۆڵینەوەیەكی رۆژنامەی گاردیانی بریتانی، ئەوەی ئاشكراكردوە، كە  ساڵانە 150 منداڵی عێراقی لەبازاڕی رەشدا دەفرۆشرێن.
لەلێكۆڵینەوەكەدا هاتوە، نرخی هەر منداڵێك لە نێوان 200 بۆ 400 پاوەندایە، منداڵەكانیش زۆرجار لەلایەن ئەو كەسانەوە دەكڕدرێن كە منداڵیان نابێت، یان بەكاریاندەهێنن بۆ كاری سێكسی و ئەندامەكانی

دوای رزگاركردنی هەمووان، خۆی مرد

دوای رزگاركردنی هەمووان، خۆی مرد


خێزانێكی پێنج كەسی لەگەڵ دوو میوانیاندا بەمەبەستی سەیرانكردن دەچنە كەناری دەریا لەشاری ئەدەنە، بەڵام بەهۆی بەرزبونەوەی شەپۆلی دەریاكە چەند كەسێك لەئەندامانی خێزانەكەو میوانێكیان ئاو دەیانبات، كاتێكیش باوكیان دوای هەوڵێكی زۆر منداڵەكانی رزگار دەكات، بەڵام ناتوانێت یەكێك لەمیوانەكان كە برازای خۆیەتی رزگار بكات، دواتریش باوكەكە بەهۆی ماندوێتیی و نیگەرانیی لەدەستدانی برازاكەی، لەكەناری دەریاكە جەڵتە لێی دەدات و گیان لەدەستدەدات.

الخميس، 23 يونيو، 2011

سحب العمل من شركة تنظيف محافظة كركوك (اورانوس)


ا
سحبت الادارة المحلية لمحافظة كركوك العمل من شركة (اورانوس) المختصة بتنظيف مدينة كركوك.
اتفقت الادارة المحلية لمحافظة كركوك في اجتماع عقد اليوم 6/20 بين مدراء الدوائر ومحافظ كركوك (نجم الدين عمر) على سحب العمل من شركة (اورانوس) والقاء العمل على عاتق بلدية كركوك كما اقترح السيد المحافظ عدم اعطاء اعمال التنظيف الى شركة واحدة وانما تقسيم العمل الى شركتين وباشراف مديرية بلدية كركوك.
كرس الاجتماع لمناقشة الامور المتعلقة بالكهرباء وتنظيف المدينة ومشاريع المجاري والتربية والشباب والرياضة.
وتم خلال الاجتماع الاتفاق على ارسال البعثات للدوائر لحضور المؤتمرات المحلية والاقليمية وكلا حسب اختصاصه وعدم حصر البعثات لرؤوساء الدوائر كما وتم مناقشة امكانية تشكيل ورشة عمل لتنمية القدرات الشابة

الأربعاء، 22 يونيو، 2011

عێراق: 1 ملیۆن بێوەژن‌و 4 ملیۆن منداڵی بێ‌ دایك‌و باوك هەن

عێراق: 1 ملیۆن بێوەژن‌و 4 ملیۆن منداڵی بێ‌ دایك‌و باوك هەن


بەپێی چەند ئامارێكی جیاوازی وەزارەتەكانی عێراق، لەشەڕو پێكدادانەكانی عێراقدا لەساڵی 2003ەوە تاكو كۆتایی 2008 یەك ملیۆن كەس بێوەژن‌و 4 ملیۆن منداڵیش بێ‌ دایك‌و باوك بوون.
ئامارێكی وەزارەتی ژنانی عێراق ئاماژە بەوە دەدات كە لەعێراقدا یەك ملیۆن بێوەژن هەن.
هاوكات ئامارێكی وەزارەتی پلاندانانی عێراق رایدەگەیەنێت كە 4 ملیۆن منداڵی بێ‌ دایك‌و باوك هەن.
ئامارەكانی وەزارەتی تەندروستی‌و وەزارەتی دادیش ئەوە دەخەنەڕوو كە هەر لەو ماوەیەدا، 2 ملیۆن‌و 500 هەزار كەس كوژراون.
وەزارەتی ناوخۆش رایدەگەیەنێت كە 800 هەزار بێ‌ سەرو شوێنكراو هەبوون.

ژنانی ئوكرانیا بۆ پشتگیریكردنی ژنانی سعودییە خۆیان رووت دەكەنەوە

ژنانی ئوكرانیا بۆ پشتگیریكردنی ژنانی سعودییە خۆیان رووت دەكەنەوە


 فێمێنی رێكخراوی مافەكانی ژنان لە ئۆكرانیا كە ناسراوە بە ئەنجامدانی چالاكییەكانی بە شێوەی خۆ رووت كردنەوە، ئەمجارەیان بە مەبەستی پشتگیریكردنی ژنانی سعودییە 15 ئەندامیان چالاكی خۆ رووتكردنەوەیان ئەنجامدا.
لەچالاكییەكەدا لەسەرەوە پەچەیان بە روویاندا دابوو، لەسەر پانكێرت و لەشیشیان پشتگیرییان بۆ ئەو چالاكییەی ژنانی سعودییە بە نوسین پیشان دابوو، كە بە نیازن لەم مانگی حوزەیرانەدا ئەنجامی بدەن و تێیدا گروپێكی گەورەی ژنان بەشۆفێری كردن دەڕژێنە شەقامەكانی سعودییەوە.

عەشقی پیاوێك بۆ هاوسەرە كۆنەكەی بووە مایەی مەرگی

عەشقی پیاوێك بۆ هاوسەرە كۆنەكەی بووە مایەی مەرگی


هاوسەرگیرییەكی دووساڵەی بە جیابوونەوە كۆتایی پێ هاتوو لە نێوان ئافرەت و پیاوێكی ئیزمیریدا لەئەنجامی خۆشویستنیانەوە بۆ یەكتری دوای 3 ساڵ جارێكی تر لێكیان كۆدەكاتەوە و پێكەوە دەژین.
لە ئەنجامی نەگونجانەوە جارێكی تر ئافرەتەكە دەچێتەوە ماڵی كەس و كاری. دوای ئەوەی خەسو و خەزووری كابرا دەرگا لەكابرا ناكەنەوە و پێی دەڵێن كچەكەیان لەوێ نییە كە ئەم چووە ئاشتی بكاتەوە، بە دەسكە گوڵەكەیەوە دەچێتە سەربانی شوقەكەیان لە نهۆمی شەش خۆی شۆڕدەكاتەوە كە لە پەنجەرەكەیانەوە بچێتە ژوورێ تا بزانێت ئافرەتەكە لەوێیە یان نا لە ئەنجامدا دەكەوێتە خوارەوە و گیان لەدەست دەدات.

الجمعة، 17 يونيو، 2011

لەكەركوك بەنداوێك دروست دەكرێت

لەكەركوك بەنداوێك دروست دەكرێت


وەزارەتی سەرچاوە ئاوییەكانی عیراق بەسەرپەرشتی كۆمپانیای نورسۆی توركی بەنداوێك لەدۆڵی خاسە چای سنوری پارێزگای كەركوك دروستدەكات.
بەنداوەكە بڕی 70 ملیۆن دۆلاری بۆ تەرخانكراوەو بڕیارە لەماوەی 40 مانگداو تا ساڵی 2013 تەواو بكرێت.
مەبەست لەدروستكردنی ئەو بەنداوە، بۆ گلدانەوەی ئاوو ئاودێریكردنی زەویی كشتوكاڵی سودی لێوەردەگیرێت.

الثلاثاء، 14 يونيو، 2011

ئەمریكی‌و بەریتانییەكان واز لەفەیسبوك دەهێنن

ئەمریكی‌و بەریتانییەكان واز لەفەیسبوك دەهێنن


بەپێی نوێترین داتا بەكارهێنەرانی پێگەی كۆمەڵایەتی فەیسبوك لەمانگی ئایاردا كەمی كردوەو زۆرترین بەكارهێنەرانی ئەمەریكی‌و بریتانی ئەكاونتەكانیان سڕیوەتەوە، هاوكات روسیاو كەنەداو نەرویژ لەو وڵاتانەن كە بەكارهێنەرانی سایتەكە تێیدا كەمردوە.
بەپێی داتاكە لەمانگی رابردوا تەنیا لەئەمەریكا 6 ملیۆن كەس ئەكاونتەكەیان سڕیوەتەوە، بەڵام سەرباری ئەمەش هێشتا فەیسبوك 700 ملیۆن بەكارهێنەری هەیە‌و خێراترین گەشەی فەیسبوك لەئەمساڵدا لەبەرازیل تۆماركراوە بە 17 ملیۆن بەكارهێنەر.

الاثنين، 13 يونيو، 2011

پاریس: گرتنی پێنج كورد، ناڕەزایی كوردانی ئەو وڵاتەی لێدەكەوێتەوە

پاریس: گرتنی پێنج كورد، ناڕەزایی كوردانی ئەو وڵاتەی لێدەكەوێتەوە


دەستگیركردنی پێنج كوردی پەنابەر لەپاریسی پایتەختی فەرەنسا بە تۆمەتی كاری تیرۆرستی، ناڕەزایی ژمارەیەك لە پەنابەرانی كوردی ئەو وڵاتەی لێدەكەوێتەوەو بۆ ئەو مەبەستەش خۆپیشاندانێك ئەنجامدەدەن.
رادیۆی فەرەنسای نێودەوڵەتی رایگەیاند كە ئەو پێنج گەنجە كوردە لە چواری ئەم مانگە لەلایەن پۆلیسی دژە تیرۆری ئەو وڵاتەوە دەستگیركراون‌و تۆمەتی دابینكردنی سەرچاوەی داراییان بۆ تیرۆرستان دراوەتە پاڵ، لە ئێستاشدا لێكۆڵینەوەیان لەگەڵدا دەكرێت.
بۆ ئازادكردنی ئەو دەستگیركراوانەش دوێنی شەممە بەسەدان رەوەندی كوردی خۆپیشاندانێكیان بۆ پەلەكردن لە ئازادكردنی ئەو پێنج كەسە ئەنجامدا.
بەپێی زانیارییەكانی پۆلیسی ئەو وڵاتەش ژمارەی خۆپیشاندەران زیاتر لە 1500 پەنابەری كورد بون.

حكومەتی هەرێمی كوردستان ئامادەیە پێشوازی لە پەنابەرانی سوریا بكات

حكومەتی هەرێمی كوردستان ئامادەیە پێشوازی لە پەنابەرانی سوریا بكات


بەڕێوەبەری نوسینگەی كۆچ و كۆچبەرانی لە وەزارەتی ناوخۆی هەرێمی كوردستان ئاشكرایی كرد كە تائێستا هیچ پەنابەرێكی سوریا ڕوی نەكردۆتە هەرێمی كوردستان.
شاكر یاسین، لە لێدوانێكیدا بۆ ڕادیۆ سەوا، ڕاشیگەیاند: لەئامادەباشی تەواوداین بۆ لەخۆگرتنی هەر بارێكی لەناكاو لەكاتی هاتنی پەنابەرانی سوری بۆ هەرێمی كوردستان‌و، لیژنەیەكی تایبەت پێكهێندراوە بۆ لەخۆگرتنی پەنابەرانی سوری و ئامادەباشی بۆ كراوە.
بەڕێوەبەری نوسینگەی كۆچ و كۆچبەرانی لە وەزارەتی ناوخۆی هەرێمی كوردستان، ئامادەیی نیشاندا بۆ پێشوازی كردن لە پەنابەرانی سوری لە خاكی هەرێمی كوردستان.
بەهۆی ئەو ئاڵۆزیەی وڵاتی سوریای گرتۆتەوە ژمارەیەكی زۆر لە هاوڵاتیانی سوریا وڵاتەكەیان جێهێشتوە و بەرەو وڵاتانی دراوسێ ڕۆشتون بەتایبەت وڵاتی توركیا.

كەركوك: دو باندی تیرۆرستی دەستگیر دەكرێن

كەركوك: دو باندی تیرۆرستی دەستگیر دەكرێن


بەڕێوەبەری گشتی پۆلیسی كەركوك رايگەیاند كە توانیویانە دوو باند دەستگیربكەن كە تۆمەتبارن بە كوشتن و فڕاندنی هاوڵاتیان لەشارەكەداو لەگەڵ ئەنجامدانی تەقینەوەو كاری توندتیژی.
لیوا جەمال تاهیر، لەكۆنگرەیەكی رۆژنامەوانیدا رایگەیاند كە باندەكان سەر بە گروپی ئەنسار سونە و دەوڵەتی ئیسلامی عیراقین و 15 كەسن.
هەروەها رونیشیكردەوە كە لەناو دەستگیركراوەكاندا، ئەمیرو جێگری گروپەكەیان تێدایە كە داڕێژەری پلانی تەقینەوەكانی ئەم دواییەی كەركوكن.

عێراق: لەهەشت ساڵدا 47 دادوەر كوژراون

Share

عێراق: لەهەشت ساڵدا 47 دادوەر كوژراون


وتەبێژی فەرمی ئەنجومەنی باڵای دادوەری عێراق رایگەیاند لە دوای روخانی رژێمی سەدامەوە تاكو ئێستا 47 دادوەر لە عێراقدا كوژراون.
عەبدولستار بەیرەقدار بەئاژانسی هەواڵی فرانس پریسی راگەیاند كە لەدوای هەشت ساڵ لە روخانی رژێمی سەدام، تاكو ئێستا دادوەرانی عێراق لە ژێر هەڕەشەدان‌و روبەروی كوشتن‌و رفاندن دەبنەوەو لە ماوەی ئەم هەشت ساڵەشدا 47 دادوەری عێراقی كوژراون.
عەبدولستار وتیشی كە جگە لەو دادوەرانەی كوژراون، ساڵانە چەندین دادوەر لەلایەن گروپە نەناسراوەكانەوە هەڕەشەیان لێدەكرێت‌و دەرفێنرێن، دواتر بە پارە ئازاد دەكرێن، ژمارەیەكیشان ناچار دەبن ماڵ‌و حاڵی خۆیان بەجێبهێڵن.
بەپێی ئاماری كوشتنی دادوەرە عێراقییەكانیش لە ساڵی 2007دا زۆرترین دادوەر كوژراون كە ژمارەیان 10 دادوەر بوە‌و وتەبێژی ئەنجومەنی باڵای دادوەری عێراقیش رێكخراوی قاعیدەو میلیشیا چەكدارەكانی بە كوشتنی دادوەران تۆمەتباركرد.

الأحد، 12 يونيو، 2011

ژنان لە ٤٧ سەعات زیاتر ناتوانن نهێنی بپارێزن

ژنان لە ٤٧ سەعات زیاتر ناتوانن نهێنی بپارێزن


لەراپرسییەكدا كە گۆڤاری (ژنی بریتانی) كردوویەتی و سێ هەزار ژن بەشدارییان تێداكردوە، دەركەوتوە ژنان توانای هێشتنەوەی نهێنییان لە ٤٧ سەعات زیاتر نییە.
بە پێی راپرسییەكە، ژنان لانیكەم ١٥ دەقیقەو ئەوپەڕی ٤٧ سەعات توانای هێشتنەوەی نهێنییان هەیە. یەك لەسەر سێی ژنەكانیش وتویانە دوای ئاشكراكردنی هەر نهێنییەك هەست بە نائاسودەیی ویژدان دەكەن.